بديت في الفروسية أو ناوي تبدأ؟ أول سؤال يجي في بالك: وش أحتاج بالضبط؟ في هذا الدليل نرتّب لك القائمة كاملة: وش يلبس الفارس، ووش يحتاج الحصان، ووش تقدر تأجله لبعدين. وكل قطعة مربوطة بمنتج متوفر عندنا.
أولاً: تجهيزات الفارس
1) الخوذة: أول قطعة وأهمها
لا تركب بدونها، ولو جولة قصيرة بالمشي. الخوذة المضبوطة ما تتحرك لما تهز راسك، وحزام الذقن يدخل بينه وبين الذقن إصبع واحد بس.
- خوذة ركوب مخمل مبطنة: 165 ريال، وهي للركوب الهادئ والمناسبات. لو بتدخل مسابقات أو قفز، اطلب خوذة مطبوع داخلها معيار سلامة مثل EN 1384 أو VG1.
للتفاصيل اقرأ دليل خوذة ركوب الخيل وسلامة الفارس.
2) البوت: كعب يحمي رجلك داخل الركاب
الحذاء الرياضي أو المسطح ممكن تنزلق فيه الرجل داخل الركاب وتعلق وقت السقوط. بوت الركوب له كعب محدد يمنع هذا.
- بوت ركوب الخيل للفارس: 180 ريال (شوف المقاسات المتوفرة في صفحة المنتج).
- بوت فروسية قصير ربل: 130 ريال، عملي للتدريب والإسطبل.
وللمقاسات اقرأ دليل بوت وملابس الفروسية والمقاسات.
3) القفاز: قبضة ثابتة على العنان
يحمي يدك من احتكاك العنان ويخلي قبضتك ثابتة، خصوصاً لو الحصان شد.
- قفاز هاي رايدر خفيف: 35 ريال.
- قفاز ايزي رايد كف كامل: 50 ريال.
4) قطع تقدر تأجلها
- حامي صدر JDR: 220 ريال. مهم لما تبدأ سرعة أو قفز.
- لثمة خيال: 15 ريال، ونظارة خيال: 70 ريال، للأيام اللي فيها غبار.
ثانياً: تجهيزات الحصان
1) السرج
اختياره يعتمد على نوع ركوبك وميزانيتك، وكتبنا له دليل كامل: أي سرج يناسبك؟. ولو تبدأ من الصفر، الطقم الكامل يوفر عليك شراء كل قطعة لحالها.
2) اللجام
اللجام هو اللي تتحكم فيه بالحصان وأنت راكب، وغير الرشمة اللي تقود فيها الحصان على الأرض.
- لجام خيل ستيتوس Status: 150 ريال.
- طقم لجام وصدرية ستيتوس: 280 ريال.
وللفرق بين أنواع الشكيمة اقرأ دليل لجام الحصان وأنواع الشكيمة.
3) اللبادة
توضع تحت السرج، تحمي ظهر الحصان وتمتص العرق وتوزع الضغط.
- لبادة تحت السرج هاي رايدر: 70 ريال.
- لبادة سرج مبطنة بالفرو: 120 ريال.
4) الرشمة
لقيادة الحصان وربطه على الأرض قبل وبعد الركوب.
- رشمة خيل عادية: 25 ريال.
قائمة سريعة قبل أول ركوب
- ✅ خوذة مضبوطة على راسك.
- ✅ بوت بكعب.
- ✅ قفاز.
- ✅ سرج ولبادة ولجام مناسبين لحصانك.
- ✅ افحص الحزام والركابات والسيور قبل ما تركب.
- ✅ اركب أول مرات مع مدرب، في ميدان مسيّج.
أسئلة شائعة
هل أشتري كل شيء مرة وحدة؟
لا. ابدأ بالخوذة والبوت والقفاز، لأنها تخصك أنت وتلبسها في كل ركوب. وتجهيزات الحصان تعتمد هل عندك حصان ولا تركب في نادي.
هل أقدر أركب بحذاء رياضي في البداية؟
الأفضل لا، لأن الحذاء بدون كعب ممكن ينزلق داخل الركاب.
هل توصلون لدول الخليج؟
نعم، نوصل لكل مناطق المملكة ودول الخليج، وتقدر تقسّط مع تابي وتمارا.
تصفّح كل مستلزمات الفرسان وسروج الخيل وملحقاتها. ولو محتار، كلمنا واتساب 0531257636 ونساعدك تجهز نفسك.